Tramp: “Mən gömrük vergisi adamıyam”
ABŞ prezidenti Donald Tramp Çin ilə imzalanması gözlənilən ticari anlaşma ilə bağlı açıqlama verib.
GunAz.az xəbər verir ki, Tramp Tvitter səhifəsində bildirib ki, o və Çin Xalq Respublikasının Sədri Si Cinpin ticari anlaşmanın bağlanmasını istəyir.
"Çox güman ki, bu anlaşma olacaq. Ancaq yadınızdan çıxmayıbsa mən gömrük vergisi adamıyam. Xaricilər ABŞ-ın zənginliyindən yararlanmaq istəyirsə bunun haqqını ödəməlidirlər. Hazırda gömrük vergilərindən milyardlarla dollar qazanırıq. Amerikanı təkrar zəngin edirik. Əgər Çin ilə ədalətli anlaşma əldə olunarsa sevə-sevə onun altından imzamı qoyacam", deyə Tramp qeyd edib.