Afinada kütləvi iğtişaşlara qoşulan xarici ölkə vətəndaşları saxlanılıb
Yunanıstan polisi noyabrın 17-də keçirilən kütləvi iğtişaşlarda iştirak etdiklərinə görə 20 nəfəri, o cümlədən dörd xarici ölkə vətəndaşını həbs edib.
Saxlanılanlar arasında Fələstin və Rumıniya vətəndaşları da var.
Qeyd edək ki, noyabrın 17-də Afina Politexnik İnstitutunu ərazisində anarxistlər tullantıları yandırıb, oturacaqları qırıb, polisə daş və “Molotov” kokteylləri atıblar. Buna cavab olaraq polis iğtişaşçılara qarşı səs qumbarasından və gözyaşardıcı qazdan istifadə edib./Azərtac/