Pentaqon İranın Hörmüz boğazındakı təlimlərinə münasibət bildirib
ABŞ İranın Hörmüz boğazında hərbi təlimlər keçirməsinə münasibət bildirib.
GunAz.az TASS-a istinadən xəbər verir ki, Pentaqonun mətbuat xidmətinin əməkdaşı Rebekka Rebarix ölkəsinin bu barədə məlumatlı olduğunu bildirib.
O həmçinin deyib ki, ABŞ gəmilərin beynəlxalq dəniz yolları ilə sərbəst hərəkətini təmin etməkdə davam edəcək.
Qeyd edək ki, bu gün İran hərbi-dəniz qüvvələri Hörmüz boğazı akvatoriyasında hərbi təlimlərə başlayıb. Körfəz ölkələrinin neft daşımalarının əksəriyyəti buradan keçir.