Qocalar evində atışma olub – ÖLƏNLƏR VAR
ABŞ-ın Texas ştatının Robstaun şəhərində qocalar evində atışma baş verib.
GunAz.az TASS agentliyinə istinadən xəbər verir ki, şəhər polisinin rəhbəri Erasmo Floresin məlumatına görə, hadisə nəticəsində 3 nəfər öldürülüb.
“Biz üç qurbanın olduğunu təsdiq edirik: iki kişi və qadın”, - polis rəisi bildirib.
Daha sonra yaxınlıqdakı binada daha 2 nəfərin meyiti aşkarlanıb. Ölənlərin şəxsiyyəti hələ müəyyən edilməyib. Polis rəsmisi insidentin təfərrüatları və qatilin taleyi barədə açıqlama verməyib.
Qətl hadisələrinin bir-biri ilə əlaqəsinin olub-olmadığı araşdırılır.