Binəli Yıldırım parlament sədrliyinə namizəd oldu
Türkiyənin prezidentli idarəetmə üsuluna keçməsi ilə əlaqədar baş nazir Binəli Yıldırım Türkiyə Böyük Millət Məclisi (TBMM) sədrliyinə namizədliyini irəli sürüb.
GunAz.az qafqazinfo-ya istinadən xəbər verir ki, müraciət sənədini Ədalət və İnkişaf Partiyasının (AKP) nümayənədləri parlamentin baş katibi Əli Kumbuzoğluna təqdim ediblər.
Məlumata görə, 5 gün ərzində digər namizədlər də müraciətini etdikdən sonra 12 iyulda TBMM sədrliyi üçün səsvermə keçiriləcək.
Qeyd edək ki, B.Yıldırım 2016-cı ilin 24 mayından etibarən baş nazir vəzifəsini icra edirdi.