Türkiyədə terror aktının qarşısı alındı
Türkiyənin Tunceli vilayətində terror aktının qarşısı alınıb.
Gunaz.az xəbər verir ki, ölkənin təhlükəsizlik qüvvələri Tunceli-Pülümür avtomobil yolunda içərisində 200 kiloqram partlayıcı olan 3 bidon aşkarlayıb. Terror aktının törədilməsi üçün hazır vəziyyətdə olan partlayıcının 7 terrorçu tərəfindən quraşdırıldığı aşkarlanıb. Onların ələ keçirilməsi üçün bölgədə antiterror əməliyyatına başlanılıb.