Kütləvi etirazlar ölümlə nəticələndi
Qəzzada İsrail hərbçiləri ilə toqquşmada iki fələstinli ölüb.
Gunaz.az xəbər verir ki, bu barədə Fələstin Səhiyyə Nazirliyinə istinadən “Sky News” telekanalı məlumat yayıb.
Bu, ABŞ səfirliyinin Təl-Əvivdən Qüdsə köçürülmə qərarından sonra etirazlar nəticəsində ölümlə nəticələnən ilk hadisədir.
Qeyd edək ki, bundan əvvəl “Times of İsrael” toqquşmalar nəticəsində Qəzza sektorunda və İordan çayının qərb sahilində 200 nəfərin yaralandığını xəbər vermişdi.