Rusiyanın Dağıstan Muxtar Respublikasının Tsumadin rayonunun Aqvali kəndinin məktəbində qumbara partlayıb. Lenta.ru saytına istinadən xəbər verilir ki, partlayış nəticəsində bir məktəbli həlak olub, 11-i yaralanıb.
İki məktəblinin vəziyyəti ağırdır. Qumbaranın məktəbin kompüter zalında partladığı bildirilir. Daxili İşlər Nazirliyindən bildiriblər ki, təhsil müəssisəsində döyüş sursatları ilə ehtiyatsız davranış partlayışın səbəbi olub.
