İranın "intiqam siyahısı" yayımlandı
ABŞ-ın İrana yenidən hava zərbələri endirməsindən sonra bölgədə gərginlik daha da artıb.
GunAz.az xəbər verir ki, İranın "Hamshahri" qəzeti gərginlik fonunda İranın hədəf aldığı iddia edilən siyasətçilərin adlarının yer aldığı "intiqam siyahısı"nı yayımlayıb.
"İntiqam qətidir" başlıqlı üz qabığı dərc edən nəşr ABŞ prezidenti Donald Tramp və İsrailin Baş naziri Benyamin Netanyahunu snayper nişangahında təsvir edib.
Eyni zamanda, siyahıda İsrailin müdafiə naziri İsrael Katz, İsrailin xarici işlər naziri Gideon Saar və İsrail Silahlı Qüvvələrinin Baş Qərargah rəisi Eyal Zamir də var.
Həmçinin Böyük Britaniyanın Baş naziri Keir Starmer, Fransa prezidenti Emmanuel Makron, Almaniya kansleri Fridrix Merts, İtaliyanın Baş naziri Corcia Meloni, ABŞ dövlət katibi Marko Rubio, ABŞ müdafiə naziri Pit Heqset, ABŞ-ın İsraildəki səfiri Mayk Hakabi və CENTCOM komandanı admiral Bred Kuperin adları da siyahıda yer alıb.
