İsrail ordusu Qəzza zolağında Rafah şəhərini artilleriya atəşinə tutub. Bu barədə Fələstin Muxtariyyətinin Səhiyyə Nazirliyinin nümayəndəsinə istinadən "Frans Press" məlumat yayıb. Atəş nəticəsində 1 fələstinli ölüb, 2-si yaralanıb "İşğalçıların (İsrail) Rafah şəhərinin şərqini artilleriya atəşinə tutması nəticəsində on səkkiz yaşlı Yusif əbu Əzra öldürülüb, daha iki nəfər yaralanıb", - deyə agentlik nazirlik nümayəndəsi Əşrəf əl-Qodrinin sözlərini sitat gətirib.
