ABŞ-nin bu ştatı edamları bərpa etdi
ABŞ-nin Luiziana ştatı 15 illik fasilədən sonra edamları bərpa edib.GunAz.az xəbər verir ki, bu barədə “Axios” portalı məlumat yayıb.
Nəşrin məlumatına görə, məhbusların edamını bərpa etməyə imkan verən yeni siyasət hazırlanıb və təsdiqlənib.
Bildirilib ki, edam azot qazından istifadə edilməklə həyata keçiriləcək.
Qeyd edək ki, Luiziana ştatında ölüm cəzasına rəsmi qadağa yox idi, lakin sonuncu edam 2010-cu ildə icra olunmuşdu.