Bu şəhərin sakinlərinə xəstələnmək qadağan edildi
İtaliyanın cənubundakı kiçik Belkastro şəhərinin sakinlərinə xəstələnmək adağan edilib.GunAz.az xəbər verir ki, bu barədə CNN məlumat yayıb.
Şəhər meri Antonio Torkiyanın verdiyi fərmanda qeyd olunub ki, vətəndaşlara tibbi yardım tələb edən hər hansı bir xəstəlikdən, xüsusən də fövqəladə xəstəliklərdən qaçınmaq əmri verilir.
O, şəhərin səhiyyə xidmətlərinə kifayət qədər çıxışlarının olmadığını vurğulayıb.
Belkastroda 1300-ə yaxın əhali yaşayır ki, onların da yarısı qocalardır. Şəhərdə tibb məntəqəsi var, lakin tez-tez bağlanır və növbətçi həkimlər həftəsonları, bayram günlərində və ya iş vaxtından kənarda işləmir.
Yaxınlıqdakı sağlamlıq mərkəzlərinin bağlanması və ən yaxın təcili yardım mərkəzinin Katanzaro şəhərində təxminən 45 kilometr aralıda olması bələdiyyə başçısını təcili ehtiyat tədbiri görməyə məcbur edib.
Bələdiyyə sədri fərmanında insanlardan zərərli ola biləcək davranışlara yol verməməyi və ailədə bədbəxt hadisələrin qarşısını almamağı, evdən tez-tez çölə çıxmamağı, səyahətə çıxmamağı, idmanla məşğul olmamağı, vaxtının çox hissəsini dincəlməyi xahiş edib.
Merin sözlərinə görə, sərəncamın məqsədi regional hakimiyyət orqanlarını və səhiyyə orqanlarını problemi həll etməyə təşviq etməkdir. O əlavə edib ki, fərman şəhər səhiyyə mərkəzi müntəzəm fəaliyyətə başlayana qədər qüvvədə qalacaq.