Türkiyənin Anadolu Dövlət Agentliyinin Prezident tədbirlərini işıqlandıran müxbiri İlhan Toprak "ByLock” proqramlı telefon istifadə etdiyi üçün saxlanılıb. İlhan Toprak 28 fevral-1 mart tarixlərində Türkiyə prezidenti Rəcəb Tayyib Ərdoğanın Pakistana səfəri zamanı onu müşayiət edib. Sözügedən səfərdən qayıdan zaman isə jurnalist hüquq-mühafizə orqanları əməkdaşları tərəfindən tutulub. Hazırda onun polis tərəfindən ifadəsinin alındığı deyilir. Qeyd edək ki, "ByLock” proqramlı mobil telefonlar Türkiyədə "FETÖ” üzvləri tərəfindən istifadə edilməsi kimi tanınır.
