Türkiyə Prezidenti Rəcəb Tayyib Ərdoğan növbədənkənar parlament seçkilərinin keçiriləcəyini istisna etməyib. Prezident parlamentdə konstitusiya müzakirələri zamanı baş verən əlbəyaxa davaya münasibət bildirərək parlamentin buraxıla biləcəyini deyib: "Ölkə parlamentini fəaliyyətsiz hala gətirsələr, növbədənkənar seçki haqqında düşünmək olar. Səmimi, doğru-dürüst bir şəkildə müzakirə edin, hay-küyə, gurultuya ehtiyac yoxdur. Düşündüklərinizi parlamentdə söyləyin. Qərarlar 330 səslə onsuz da qəbul olunur”.
