Ötən gün ictimaiyyətə açıqlanan aktrisa Aslı Enver və basketbolçu Kerem Tunçerin sevgisi qısa çəkib. "İkinci Sayfa" proqramının elan etdiyi münasibət ayrılıqla nəticələnib.
Buna səbəb yayılan eşq xəbərlərindən sonra Keremin mesajlarının yayılması olub. K. Tunçerin münasibət dövründə mesaj atdığı sosial şəbəkə fenomenləri səhifələrində paylaşım edərək Aslını xəbərdar ediblər. Bundan sonra tərəflər arasında gərginlik yaşanıb və aktrisa Keremi İnstaqram-da "unfollow" edib.
Basketbolçu İnstaqram səhifəsində açıqlama yayaraq mesaj yazanın o, olmadığını bildirib: "Mətbuat və sosial şəbəkələrdə yalan məlumat paylaşanlara demək istəyirəm ki, vicdan və xoş niyyətə ehtiyac duyduğumuz bu zamanlarda hüquqlarımı qoruyacam. Kiber hücumların qarşısını alacam, onlar haqqında hüquq-mühafizə orqanlarına müraciət edib mənəvi təzminat tələb edəcəm".
