Türkiyə səkkiz gün ərzində 15 xarici terrorçunu deportasiya edib.
GunAz.az "Anadolu"ya istinadən xəbər verir ki, Türkiyənin daxili işlər naziri Süleyman Soylu, bütün xarici terrorçuların vətənlərinə deportasiya ediləcəyini açıqlamışdı. Bundan sonra Türkiyə terrorçuların deportasiya prosesinə başlayıb.
Noyabrın 11-dən 19-dək 10 Almaniya, bir Danimarka, İngiltərə və ABŞ vətəndaşı, habelə iki Hollandiya vətəndaşı Türkiyədən deportasiya edilib.
Suriyada tutulan terrorçuların vətəndaşlığı müəyyən edildikdən sonra müvafiq ölkələrlə əlaqə yaradılıb.
Türkiyədəki xüsusi mərkəzlərdə ölkəyə qanunsuz daxil olan 944 xarici terrorçu saxlanılır.
