ABŞ rəhbərliyi FETÖ başçısı Fətullah Gülənin ekstradisiyası üçün nazirliklərə göstəriş verib.
GunAz.az Türkiyə mətbuatına istinadən xəbər verir ki, bu iddianı NBC kanalı ortaya atıb. Kanalın iddiasına görə, Donald Tramp FTB, Ədliyyə və Daxili İşlər Nazirliyinə Gülənin ekstradisiyasını təmin edəcək hüquqi yolların tapılması üçün təlimat verib.
Ehtimallara görə, "Ağ ev" Fətullah Güləni ekstradisiya etməklə Türkiyənin Qaşıqçı cinayəti ilə bağlı Səudiyyə Ərəbistanı üzərindəki təzyiqini yumşaltmağı düşünür.
Tramp administrasiyası və Türkiyə rəsmiləri Gülənin Türkiyəyə ekstradisiya edilməyəcəyi halda Cənubi Afrikaya göndərilməsi mövzusunda da müzakirələr aparıb.
