Amerikanın respublikaçı senatoru Con Makkeynin 81 yaşında dünyasını dəyişməsi səbəbilə ABŞ Prezidentinin Vaşinqtondakı rəsmi iqamətgahında bayraqlar endirilib.
GunAz.az xəbər verir ki, ABŞ Prezidenti Donald Tramp və Amerikanın sabiq prezidenti Barak Obama da senator Con Makkeynin vəfatı ilə bağlı başsağlığı veriblər. Bu barədə Ağ Evin sosial şəbəkələr üzrə direktoru Den Skavino özünün Tviter səhifəsində məlumat yayıb:
“Bu gün rəsmi Ağ Ev senator Con Makkeynin xatirəsinə hörmət əlaməti olaraq bayraqları endirib".
Qeyd edək ki, arizonalı senator 81 yaşında beyin şişindən vəfat edib.
