ABŞ prezidenti Donald Tramp “Forbes”in dünyanın ən zəngin insanları siyahısında 200 sıra geriləyərək 766-cı olub.
Gunaz.az xəbər verir ki, “Forbes”in bu il 31-ci dəfə çap olunan “Milyarderlər siyahısı”na görə, ABŞ prezidentinin sərvəti təxminən 400 milyon dollar azalaraq 3,1 milyard dollara enib.
Tramp sərvətində baş vermiş itkiylə siyahıda 566-cı sıradan 766-cı sıraya düşüb.
“Forbes” Trampın sərvətindəki azalmanı Nyu-Yorkdakı daşınmaz əmlak bazarının daha rəqabətə davamlı hala gəlməsi, hüquqi xərclər və bəzi qolf obyektlərinin zərər etməsiylə əsaslandırıb.
