Bolqarıstan Türkiyənin Ədalət və İnkişaf Partiyasının (AKP) İstanbul millət vəkili Əziz Babuşçunu arzuolunmaz şəxs elan edib. Ədirnə Valiliyinin nümayəndəsi İbrahim Tarancını nəzarət altına alaraq ölkədən qovan Bolqarıstan hökuməti Əziz Babuşçunu "arzuolunmaz əcnəbilər” siyahısına daxil edərək, Bolqarıstana girişinə qadağa qoyub. Bundan başqa, hökumət daha iki türkün bu siyahıya əlavə olunduğunu desə də, onların adlarını açıqlamayıb. Qeyd edək ki, Bolqarıstan Türkiyəni ölkədə vaxtından əvvəl keçiriləcək parlament seçkilərinə müdaxilə etməkdə ittiham etdiyi üçün iki ölkə arasında gərginlik yaşanır.
