Suriya böhranı ilə bağlı baş tutacaq IV Astana görüşü martın 14-15-i tarixlərinə təyin edilib. Bu barədə Qazaxıstan Xarici İşlər Nazirliyi açıqlama yayıb. Bəyanatda qarant ölkələr - Rusiya, Türkiyə və İranla yanaşı, Suriya hökuməti və hərbi müxalifətdən olan nümayəndələrin də müzakirələrdə iştirakının gözlənildiyi bildirilib. Bundan əlavə, görüşlərə ABŞ, BMT və İordaniyanın səlahiyyətli şəxslərinin dəvət edildiyi vurğulanıb.