Türkiyədə terror aktı törətməyə hazırlıqda ittiham olunan yeddi Rusiya vətəndaşı məhkəməyə çıxarılıb. Bu haqda Türkiyənin "Hürriyyət” qəzeti yazıb.
İttihamnaməyə əsasən, terror aktlarının 2016-cı ilin iyununda həyata keçirilməsi planlaşdırılmışdı. Amma şübhəli şəxsləri hücum yerində kəşfiyyat aparan zaman saxlayıblar. İŞİD terror təşkilatına üzvlükdə və terror aktına hazırlıqda ittiham olunan Rusiya vətəndaşlarını 15 il azadlıqdan məhrum etmə cəzası gözləyir.
Bildirilir ki, terror aktlarının həyata keçirilməsi üçün istifadə olunacaq partlayıcı maddələr Suriya ilə həmsərhəd olan Şanlıurfa vilayətindən İstanbula göndərilib.
