Rəsmi Ankara Rusiyanın "S-400" zenit raket kompleksini almaq niyyətindədir. "Yeni Şafak" qəzetinin verdiyi məlumata görə, Türkiyə və Rusiya arasında Suriya daxil olmaqla bir neçə mövzuda razılıq əldə edilməsi iki ölkə arasında əməkdaşlığı daha da artırıb. Belə ki, rəsmi Ankara hava müdafiə sistemini təkminləşdirmək və modernləşdirmək məqsədilə Rusiyanın "S-400" zenit raket kompleksini almaq niyyətindədir. Hökumət mənbələrindən verilən məlumata görə, Türkiyə prezidenti Rəcəb Tayyib Ərdoğan rusiyalı həmkarı Valdimir Putindən uzun mənzilli havadan müdafiə sistemlərindən "S-300" və "Antey-2500" deyil, məhz "S-400" raketlərinin ən qısa zamanda ölkəsini verməsini istəyib.