Xəzərdə dalğanın hündürlüyü 5 metri keçdi
Ölkədə müşahidə edilən faktiki hava şəraiti açıqlanıb.
Hidrometeoroloji Proqnozlar Bürosundan GunAz.az-a verilən məlumata görə, noyabrın 10-u saat 17:00-a olan məlumata əsasən ölkə ərazisində hava şəraiti dəyişib, bəzi yerlərdə güclü şimal-qərb küləyi əsir.
Küləyin maksimal sürəti: Gəncədə 24 m/s, Tovuz, Naftalanda 22 m/s, Nabran, Neftçala, Xaçmazda 20 m/s.
Bakıda və Abşeron yarımadasında: Bakıda 32 m/s, Maştağada 28 m/s, Pirallahı, Qum adasında 25 m/s, Neft Daşları, Binədə 24 m/s, Sumqayıtda 23 m/s, Çilov adasında 20 m/s-dək güclənib, Neft Daşları stansiyasının məlumatına əsasən dalğanın hündürlüyü 3 metrə çatıb.
***
Ekologiya və Təbii Sərvətlər Nazirliyinin Milli Hidrometeorologiya Xidmətinin noyabrın 10-u saat 21:00-a olan məlumatına əsasən, ölkə ərazisində hava şəraiti dəyişib, Şəki, Quba, Qusar, Şabran, Xınalıqda yağış yağıb, bəzi yerlərdə güclü şimal-qərb küləyi əsib.
Xidmətdən bildiriblər ki, küləyin maksimal sürəti Naftalanda 26, Gəncədə 24, Tovuzda 22, Nabran, Neftçala, Xaçmaz, Ağstafada 20, Altıağac, Ceyrançöldə 18, Şabranda 16 met/saniyə təşkil edib.
Bakıya və Abşeron yarımadasına gəlincə isə küləyin sürəti Bakıda saniyədə 38, Maştağada 35, Qum adasında 32, Pirallahıda 30, Binədə 28, Neft Daşları, Çilov adasında 29, Ələt, Sumqayıtda 23 metrədək güclənib.
Neft Daşları stansiyasının məlumatına əsasən, Xəzər dənizində dalğanın hündürlüyü 5.4 metrə çatıb.