Şəmkirdə dağlıq ərazidə yanğın başladı
Şəmkir rayonu, Tatarlı kəndi yaxınlığında, mürəkkəb relyefli dağlıq ərazidə yanğın başlayıb.
GunAz.az xəbər verir ki, bu barədə FHN məlumat yayıb.
Bildirilib ki, FHN Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.
Hazırda yanğının söndürülməsi istiqamətində tədbirlər həyata keçirilir. İlkin məlumata əsasən, təqribən bir hektar sahədə kol-kos yanır.