ANAMA debitor və kreditorlarına müraciət etdi
Ərazilərin Minalardan Təmizlənməsi üzrə Milli Agentlik (ANAMA) ləğv olunması ilə əlaqədar debitor və kreditorlarına müraciət edib.
Müraciətdə 1 ay müddətində tələblərin bildirilməsi xahiş olunur.
Müddət başa çatdıqdan sonra agentliyə daxil olan müraciətlərə baxılmayacaq.
Xatırladaq ki, bu il yanvarın 15-də ANAMA ləğv edilərək onun əsasında Minatəmizləmə Agentliyi yaradılıb, köhnə qurumun hüquq və öhdəlikləri, habelə əmlakı yeni quruma keçib.