Bəhram Bağırzadənin vəziyyəti ilə bağlı AÇIQLAMA
Əməkdar artist Bəhram Bağırzadənin vəziyyətində dəyişiklik yoxdur.
Bu barədə Mərkəzi Gömrük Hospitalı rəisinin müalicə işləri üzrə müavini Bəxtiyar Musayev deyib.
O bildirib ki, B.Bağırzadənin durumu stabil, kritik-ağır olaraq qalır.
Qeyd edək ki, koronavirusa yoluxan Bəhram Bağırzadə vəziyyətinin kəskin pisləşməsi səbəbindən iyunun 13-də Mərkəzi Gömrük Hospitalının reanimasiya şöbəsinə köçürülüb.
Ağciyər toxumasının 90%-dən çoxu zədələndiyindən Əməkdar artisti ECMO cihazına qoşublar.
B.Bağırzadənin müalicəsi birbaşa Azərbaycanın Birinci vitse-prezidenti Mehriban Əliyevanın nəzarətindədir.