Naxçıvanda anadan olan Müseyib İbrahimov 1979-cu ildə Dənizçilik məktəbini bitirərək gənc mütəxəsis kimi fəaliyyətə baslamışdır. Dünyanın ayrı-ayrı ölkələrinə gəmi ilə yük daşınmasında xüsusi xidmətlər göstərmişdir. Vətənpərvər eloğlumuz müqaviləyə əsasən, türk şirkətinə məxsus gəmidə kapitan vəzifəsində işləyirdi. Ukraynadan qardasTürkiyəyə, eləcə də digər xarici ölkələrə yüklərin daşınmasında onun böyük fəaliyyəti olub. 2016-cı ilin aprelin 22-də gəmi ilə növbəti yukdaşınma zamanı anidən vəziyyəti pisləşən kapitan təcili xəstəxanaya yerləşdirilsə də, həyatını xilas etmək mümkün olmayıb. Kapitan Müseyib İbrahimov ürək çatışmazlığından dünyasını dəyişib. Kapitanın cənazəsi aprelin 25-də təyyarə vasitəsilə Bakıya göndərilib və ertəsi gün ailəsi və əzizləri tərəfindən yaşadığı Buzovna qəsəbəsində müqəddəs torpağa tapşırılıb.