Bakıda təmirlə əlaqədar avtobusların hərəkətində edilən müvəqqəti dəyişiklik ləğv edilib.
Bu barədə Bakı Nəqliyyat Agentliyi İctimai əlaqələr və maarifləndirmə şöbəsinin müdiri Mais Ağayev bildirib.
"Bakının Niyazi küçəsinin İstiqlaliyyət küçəsi ilə kəsişməsindən Azneft meydanınadək olan hissəsində aparılan təmir işləri yekunlaşdığından artıq həmin yoldan keçən 6 və 65 nömrəli marşrut xətləri üzrə avtobuslar da əvvəldən müəyyən edilən sxem üzrə hərəkət edirlər", - deyə o qeyd edib.
