Əbədiyyətə uzanan BİR AND
27 Sentyabr – Anım Günü... Bu tarix Azərbaycan xalqının həm qürur, həm də kədər günüdür. Vətən uğrunda canından keçən igidlərimizin əziz xatirəsi qarşısında hər bir vətəndaş, hər bir dövlət qurumu ehtiramla baş əyir. 
Bu il də həmin gün Naxçıvan Muxtar Respublikasında xüsusi hörmət və ehtiramla qeyd olundu. Başda Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi, Fuad Nəcəfli olmaqla, icra başçıları, idarə və müəssisə rəhbərləri, dövlət qulluqçuları Şəhidlər xiyabanlarını ziyarət etdilər. Məzarlar önünə gül dəstələri qoyuldu, şəhidlərin ruhuna dualar oxundu. Bu ziyarət həm dövlətin, həm də xalqın şəhidlərə sədaqətinin bariz ifadəsi oldu. Anım günündə təkcə Şəhidlər xiyabanlarına baş çəkilmədi. Səlahiyyətli nümayəndə şəhid ailələrinin evlərinə də getdi, onlarla söhbət etdi, qayğılarını dinlədi.
Bu görüşlərdə onun səmimi münasibəti, ehtiramı və diqqəti bir daha göstərdi ki, şəhid ailələrinə və qazilərə qayğı sadəcə rəsmi addım deyil, həm də dövlət siyasətinin ayrılmaz hissəsidir. Səlahiyyətli nümayəndənin Naxçıvandakı idarəçilik fəaliyyətində vətəndaş amili əsas yer tutur. Xüsusilə də şəhid ailələri və qazilər daim diqqət mərkəzindədir. Onun yanaşmasında dövlətin mərhəməti, xalqın minnətdarlığı, şəhidlərin ruhuna ehtiramın sarsılmazlığı aydın hiss olunur. Bu, sadəcə bir idarəçilik tərzi deyil, həm də nümunəvi bir vətəndaşlıq mövqeyidir. 27 Sentyabrın hüznlü sükutunda hər kəs bir həqiqəti bir daha dərk etdi: şəhidlərimizin canı ilə qazanılmış azadlıq və müstəqillik xalqımızın ən böyük sərvətidir. Onların əmanəti daim qorunacaq, xatirələri hər zaman yaşadılacaq. Bugünkü anım tədbirləri bir daha təsdiqlədi ki, Naxçıvanda dövlət rəhbərliyinin şəhid ailələrinə və qazilərə göstərdiyi qayğı təkcə bir ənənə deyil, həm də gələcəyə verilən sözdür. Çünki şəhid ailəsinə göstərilən hər diqqət – Vətənə göstərilən diqqət, qaziyə verilən hər dəstək – dövlətimizin gələcəyinə verilən dəstəkdir.
Və nəhayət, 27 Sentyabrın sükutunda bir həqiqət daha aydın duyuldu: bu torpaqlar üzərində azad nəfəs alırıqsa, o, şəhidlərimizin qanı bahasına başa gəlib. Onların ruhu bizimlədir – hər addımımızda, hər uğurumuzda, hər sabahımızda. Naxçıvanın küçələrində addımlayan hər kəs bilir ki, bu azad günlərin kökündə şəhidlərimizin qurbanı, qazilərimizin qəhrəmanlığı dayanır. Bu gün səlahiyyətli nümayəndənin rəhbərliyi ilə bir daha təsdiqləndi ki, onların əziz xatirəsi unudulmayacaq, göstərilən diqqət və qayğı heç vaxt yarımçıq qalmayacaq. Bu, həm xalqın, həm də dövlətin qəlbindən gələn və əbədiyyətə uzanan bir anddır.
Bu il də həmin gün Naxçıvan Muxtar Respublikasında xüsusi hörmət və ehtiramla qeyd olundu. Başda Azərbaycan Respublikası Prezidentinin Naxçıvan Muxtar Respublikasında səlahiyyətli nümayəndəsi, Fuad Nəcəfli olmaqla, icra başçıları, idarə və müəssisə rəhbərləri, dövlət qulluqçuları Şəhidlər xiyabanlarını ziyarət etdilər. Məzarlar önünə gül dəstələri qoyuldu, şəhidlərin ruhuna dualar oxundu. Bu ziyarət həm dövlətin, həm də xalqın şəhidlərə sədaqətinin bariz ifadəsi oldu. Anım günündə təkcə Şəhidlər xiyabanlarına baş çəkilmədi. Səlahiyyətli nümayəndə şəhid ailələrinin evlərinə də getdi, onlarla söhbət etdi, qayğılarını dinlədi.
Bu görüşlərdə onun səmimi münasibəti, ehtiramı və diqqəti bir daha göstərdi ki, şəhid ailələrinə və qazilərə qayğı sadəcə rəsmi addım deyil, həm də dövlət siyasətinin ayrılmaz hissəsidir. Səlahiyyətli nümayəndənin Naxçıvandakı idarəçilik fəaliyyətində vətəndaş amili əsas yer tutur. Xüsusilə də şəhid ailələri və qazilər daim diqqət mərkəzindədir. Onun yanaşmasında dövlətin mərhəməti, xalqın minnətdarlığı, şəhidlərin ruhuna ehtiramın sarsılmazlığı aydın hiss olunur. Bu, sadəcə bir idarəçilik tərzi deyil, həm də nümunəvi bir vətəndaşlıq mövqeyidir. 27 Sentyabrın hüznlü sükutunda hər kəs bir həqiqəti bir daha dərk etdi: şəhidlərimizin canı ilə qazanılmış azadlıq və müstəqillik xalqımızın ən böyük sərvətidir. Onların əmanəti daim qorunacaq, xatirələri hər zaman yaşadılacaq. Bugünkü anım tədbirləri bir daha təsdiqlədi ki, Naxçıvanda dövlət rəhbərliyinin şəhid ailələrinə və qazilərə göstərdiyi qayğı təkcə bir ənənə deyil, həm də gələcəyə verilən sözdür. Çünki şəhid ailəsinə göstərilən hər diqqət – Vətənə göstərilən diqqət, qaziyə verilən hər dəstək – dövlətimizin gələcəyinə verilən dəstəkdir.
Və nəhayət, 27 Sentyabrın sükutunda bir həqiqət daha aydın duyuldu: bu torpaqlar üzərində azad nəfəs alırıqsa, o, şəhidlərimizin qanı bahasına başa gəlib. Onların ruhu bizimlədir – hər addımımızda, hər uğurumuzda, hər sabahımızda. Naxçıvanın küçələrində addımlayan hər kəs bilir ki, bu azad günlərin kökündə şəhidlərimizin qurbanı, qazilərimizin qəhrəmanlığı dayanır. Bu gün səlahiyyətli nümayəndənin rəhbərliyi ilə bir daha təsdiqləndi ki, onların əziz xatirəsi unudulmayacaq, göstərilən diqqət və qayğı heç vaxt yarımçıq qalmayacaq. Bu, həm xalqın, həm də dövlətin qəlbindən gələn və əbədiyyətə uzanan bir anddır.
Məhərrəm TAĞIZADƏ