Boşanma zamanı tərəflər arasında əmlak bölgüsü məsələsi mübahisəli suallardan biridir. Vətəndaşların ən çox maraqlandığı məsələlərdən biri də odur ki, boşanma zamanı ev və ya avtomobil kimi əmlakdan övladlara pay düşürmü?
Mövzu ilə bağlı vəkil Turan Abdullazadə  açıqlamasında bildirib ki, boşanma zamanı əmlak bölgüsü yalnız ər və arvad arasında aparılır:

Turan Abdullazadə

“Yəni övladların kimdə qalmasından asılı olmayaraq, onların əmlak bölgüsündə birbaşa payı yoxdur. Azərbaycan qanunvericiliyinə əsasən, birgə nikah dövründə əldə olunmuş əmlak əksər hallarda 50-50 nisbətində bölünür.
Bununla belə, istisna hallar mümkündür. Məsələn, tərəflər arasında xüsusi razılaşma olarsa və ya məhkəmə uşaqların maraqlarını nəzərə alaraq fərqli qərar qəbul edərsə, bölgü qaydasında dəyişiklik baş verir”.

Vəkil qeyd edir ki, uşaqlar qanuni vərəsələr sayılır:

“Yəni valideynlərindən biri vəfat etdikdə, əgər vərəsəlikdən məhrum edilməyiblərsə, onların mülkiyyətində olan ev, avtomobil və digər əmlakdan qanunla vərəsəlik hüququ ilə pay alırlar”.

скачать dle 12.1