Hardasız?!...- Azər Saleh yazır
HARDASIZ?!..
(rekviyem)
Türkiyədəki zəlzələ şəhidlərinə...
Eheeeyyy... Eheeeyyy...
Hardasan, oğlum?..
Eheeeyyy...
Hardasan, qızım?..
Hardasız?...
Hardasan, qızım?..
Mənim daşlar altında qalan yalqızım?..
Məni duyurmusunuz?...
Hardasız?..
Yıxıldı evim, yuvam...
Niyə eşidilmir duam?..
Bu on gündə
Ölüm istədim Allahdan,
Gəlmədi o da...
Tək qalmışam kədərimlə
mən sonda...
Hardasan, ay oğul?..
Evimin dirəyi oğul...
Ey Yer, ey goy,
Gəl mənə qoşul,
sən də ağla...
Yeri göyü sular aldı,
Allahım,
O göyün üzünü bağla...
Hardasan, ay qızım?..
Mən indi bu daşları
necə yığım, necə qazım?..
Ey mənim yavru gözlü,
Xoş simalı gözəl qızım...
Bilsəz sizsiz necə
Köməksizəm, yalqızam...
Bir ölüm ver mənə, Allahım...
Yandırdı yeri, göyü
Naləm, ahım...
Allahım..
Öldür məni,
Onların cansız bədənini görməyim...
Öz əlimlə yavrularımı
Buz torpağa gömməyim...
Hardasan, oğul?..
Hardasan,qızım?..
Mən çarəsizəm,
Mən gücsüzəm...
Bu halımı kimə deyim,
Kimə yazım?..
Al canımı, Allahim,
Daha dözüm qalmadı...
Sözün bitdiyi yerdir,
Daha sözüm qalmadı...
Qızım... Oğlum...
Har...da...sı......z?!..
17. 02. 2023-cü il
AZƏR SALEH