Masallı rayonuna yeni polis rəisi təyin edilib.
Bununla bağlı daxili işlər naziri, general-polkovnik Vilayət Eyvazov əmr imzalayıb.
Əmrə əsasən, Neftçala rayon polis şöbəsinin rəisi polkovnik Vüsal Şəbəndəyev tutduğu vəzifədən azad edilərək, Masallı rayon Polis Şöbəsinə rəis təyin edilib.
Xatırladaq ki, Vilayət Eyvazovun ötən gün imzaladığı başqa bir əmrlə Masallı Rayon Polis Şöbəsinin rəisi polkovnik Habil Əmiraslanov Tovuz Rayon Polis Şöbəsinin rəisi təyin edilmişdi.
Nazirin başqa bir əmrinə əsasən, polis mayoru Tural Şahbəndiyev Daxili İşlər Nazirliyi (DİN) Abşeron Rayon Mühafizə İdarəsinin rəis müavini təyin edilib.
Qeyd edək ki, daha əvvəl Abşeron Rayon Mühafizə İdarəsinin rəis müavini vəzifəsində polis polkovniki Oqtay Dilavərov çalışırdı. O, xidmətdə olmanın son yaş həddi ilə əlaqədar təqaüdə göndərilib.
