Redaksiyamıza gələn zənglər narahatedici bir mesajdır.
Belə ki, Qarabağ müharibəsi veteranları 80 manat təqaudlərini indiyə qədər ala bilməməsindən şikayət edirlər. Hər ayın 22-nə qədər veteranlara verilən Prezident təqaüdləri verilirdi. Bu gün ayın 28-i olsa da hələki təqaüdlərdən bir xəbər yoxdur.
142 çağrı mərkəzinə zəng edib məlumat əldə etmək istədik, robortıaşmış qız səsi bizi məyus etdi:
-Bütün operatorlar məşğuldur, siz növbədə 1115-ci şəxssiniz.
Bu hesabla gərək biz bir həftə gözləyərdik, başqa əlaqə nömrəsi olmadığından qərara aldıq ki, bunu ictimailəşdirək.
Əmək və Əhalinin Müdafiə Nazirliyi gərək bu həssas təbəqəli insanlara diqqət və qayğısını artırsın, çünki, əlillər, təqaüdcullər, qazilər cəmiyyətin ən ləyaqətli, həssas insanlarıdır.
İnsanlara qayğı göstərmək,onlara şərait yaratmaq, kömək etmək hər bir məmurun borcudur.
Başqa mənbələrdən aldığımız məlumata görə VETERANlarımız hələ fevral ayına kimi gözləməlidirlər
Rauf İlyasoğlu