Azərbaycan, Ermənistan və Rusiya liderlərinin Moskvadakı Dağlıq Qarabağla bağlı görüşü tərəflərin nizamlama səylərinin altından xətt çəkmək üçün bir nəticəyə sadiq olduqlarını göstərir.
Bunu Azərbaycan Prezidenti İlham Əliyev Moskvada Rusiya, Azərbaycan və Ermənistan liderləri arasında keçirilən üçtərəfli görüşün nəticələri ilə bağlı açıqlamasında deyib.
"Atəşkəsdən iki ay keçdi və bu gün 9-10 noyabr tarixli bəyanatı imzalayan üç ölkənin liderlərinin Moskvaya toplaşması nəticəyə sadiq olduğumuzu, sentyabr-noyabr aylarında baş verənlərin altından bir xətt çəkməyi qərara aldığımızı göstərir”, - İlham Əliyev bildirib.
