Ermənistan silahlı qüvvələrinin Azərbaycanın dinc əhalisini hədəf seçməsi yalnız 2020-ci ilin iyul, avqust və sentyabr aylarında baş verməyib.
Bu barədə Baş Prokurorluqda Ermənistan silahlı qüvvələri tərəfindən dinc əhalimizə qarşı törədilmiş cinayətlərlə bağlı keçirilən brifinqdə Azərbaycan Respublikasının Baş prokuroru Kamran Əliyev qeyd edib.
Baş prokuror bildirib ki, yalnız 2016-cı ilin aprel döyüşləri zamanı Azərbaycanın 6 mülki vətəndaşı qətlə yetirilib, 26 nəfər yaralanıb. 300-dən artıq mülki obyekt dağıdılıb.
