Gürcüstanın Kvemo-Kartli regionunda Ermənistanı internetlə təmin edən optik kabel kəsilib.
Bu məlumatı Gürcüstan Daxili İşlər Nazirliyi yayıb. Məlumata görə, ilk zədələnmə Marneulinin Sadıxlı kəndində 28 sentyabrda qeydə alınıb. İkinci insident isə 30 sentyabrda Orozmani kəndində baş verib. Burada kabelin keçdiyi yerdə çuxur açılıb və nəticədə kabellərə tam ziyan dəyib.
Qeyd edək ki, Ermənistana internet trafikin 80%-i Gürcüstandan keçməklə gəlir.