Martın 19-da Prezident İlham Əliyevin fərmanı ilə Koronavirusla Mübarizəyə Dəstək Fondu yaradılıb. Bu günə qədər fonda 113 milyon manatdan artıq vəsait yığılıb.
Bunu Nazirlər Kabinetinin mətbuat katibi İbrahim Məmmədov Operativ Qərargahın brifinqində deyib.
"Fondun vəsaitlərinin xərclənməsinə nəzarəti təşkil etmək üçün İctimai Nəzarət Şurası yaradılıb. Burada 3 tərəf - İcra Hakimiyyəti, Nazirlər Kabineti və Milli Məclisin nümayəndələri var. Toplantıda vəsaitlərin xərclənməsi istiqamətləri müzakirə olundu", - o bildirib.
