Xəbər verdiyimiz kimi, Daxili İşlər naziri Vilayət Eyvazov Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinə yeni rəis təyin edib. Sərəncamla Nəsimi rayon polis idarəsinin rəisi Əbülfəz Rzayev bu vəzifəyə layiq görülüb.
GunAz.az bildirir ki, Əbülfət Rzayev 1968-ci il avqust ayının 11-də Naxçıvan MR Ordubad rayonunun Behrud kəndində anadan olub.
Ali pedaqoji və ali hüquq təhsilinə malikdir, polis sistemində ən savadlı kadrlardan biri kimi qəbul olunur, uzun müddət BDU-nun hüquq fakültəsində “Konstitusiya hüququ” və “İnzibati hüquq” fənlərindən dərs deyib.
1995-ci ildən həm də Azərbaycan Respublikası Daxili İşlər Nazirliyi sistemində xidmət edir.
Polis sistemində xidmətə Ukraynada adi milis nəfərliyindən başlayan Əbülfət Rzayev 1995-ci ildən Azərbaycanda Ordubad ŞPİ-də sahə müvəkkili, Qaradağda əməliyyat müvəkkili, Nəsimi rayonunda Cinayət Axtarış Şöbəsində baş əməliyyat müvəkkili, Bakı şəhər Baş Polis İdrəsinin Cinayət-Axtarış İdarəsində əməliyyat müvəkkili, Xətai RPİ-də Cinayət Axtarış Şöbəsinin rəisi, Xətai RPİ-nin 37-ci Polis Bölməsinin rəisi, Sabunçu Rayon Polis İdarəsinin rəis müavini, Şəki RPİ-nin rəisi, sonuncu təyinatına qədər isə Nəsimi RPİ-nin rəisi vəzifələrində işləyib.
Ailəlidir. 4 övladı var.
Təhsili və elmi dərəcə və elmi adlari
1990 – 1996-cı illərdə M.F. Axundov adına Azərbaycan Pedaqoji Rus Dili və Ədəbiyyatı İnstitutunda ali pedaqoqoji təhsil alıb;
1993 – 1998-ci illərdə Bakı Dövlət Universitetində ali hüquq təhsili alıb.
