Bakının Heydər Əliyev prospektində yol-nəqliyyat hadisəsi baş verib. Hadisə Nərimanov rayonu ərazisində Heydər Əliyev prospektinin Ağa Nemətulla küçəsi ilə kəsişməsindıə qeydə alınıb. KİA və "Mersedes” markalı avtomobillərin toqquşması nəticəsində xəsarət alan olmasa da, hər iki avtomobilə ziyan dəyib. Bundan başqa, qəzadan sonra Heydər Əliyev prospektində böyük tıxac yaranıb. Bakı Nəqliyyat Agentliyindən bildirilib ki, prospektdə yaranan tıxac qəza ilə bağlıdır. Baş Dövlət Yol Polisi İdarəsi faktla bağlı araşdırma aparır.
