Rusiyada milliyətcə erməni olan şəxsin vəhşicəsinə döydüyü şəxs ölüb.
Bu barədə Rusiya mətbuatı yazır.
Volqoqrad sakini Roman Qrebenyukun Anna adlı qadınla kiçik mübahisəsi onun üçün ölümcül olub. Qadının əri Arman Melkonyan (milliyətcə erməni) onu telefonda təhqir edərək görüşə çağırıb. Lakin görüşə onun qardaşı Arsen gəlib. Nəticədə Roman Qrebenyuk aldığı xəsarətlərlə xəstəxanaya çatdırılıb. Bir neçə gün komada qalan xəstənin həyatını xilas etmək mümkün olmayıb.
Rusiyanın hüquq-mühafizə orqanları Arsen Melkonyanı həbs edib. Lakin Anna adlı qadın və əri Arman azadlıqda qalıb.
Hazırda Roman Qrebenyukun həmkarları sözügedən qadının evinin qarşısında aksiya keçirməyə və bununla da Anna və Arman Melkonyanın həbsinə nail olmağa çalışırlar.
