İvona Doulen adlı fiqurist 90 yaşında da buz üstündə göstərdiyi möhtəşəm şousu ilə qəlbləri fəth edib.
Gunaz.az xarici mətbuata istinadən xəbər verir ki, o, karyerasına 20 yaşında başlayıb. 80 yaşında keçirdiyi avtomobil qəzasından sonra həkimlər ona yenidən buz üstündə sürüşməyi qadağan edib. Bununla belə İvona Doulenin ehtirası onu məcbur edib ki, buz üzərində gərgin məşqlərə davam etsin.
Doulen hətta 90 yaşında da Amerikada fiqurlu konkisürmə üzrə keçirilən bütün yarışlarda çıxış edib. Fiqurlu Konkisürmə İnstitutunun üzvü kimi o, uşaqlara da dərs verib.
Dulen deyib ki, buzun üstündə ürüşmək onun üçün həmişə çox vacib olub.
Təəssüf ki, Doulen 2 may 2016-ci ildə Koloradoda ölüb. Onun ölüm səbəbi zədə olmayıb. 90 yaşlı qadının ürəyi çox hərəkətli həyat tərzinə dözməyib. Hər halda Doulen ömrü boyu yaşına icazə verməyib ki, onun həyatına mane olsun. Odur ki, bu qadının dözüm və iradəsinə heyran qalmamaq olmur.
