Gödəklər kəndində yeni modul tipli məktəbin açılışı olub
Bu gün Beyləqan rayonunun Gödəklər kəndində yeni modul tipli məktəbin açılışı olub. Beyləqan rayon icra hakimiyyətinin başçısı Asif Ağayevin, rayon Təhsil şöbəsi rəhbərliyinin və kənd sakinlərinin iştirakı ilə keçirilən açılış mərasimində çıxışlar dinlənilib, təəssüratlar bölüşdürülüb.
Qeyd olunub ki, 1973-cü ildə tikilmiş məktəbin istifadəyə yararlılığının qalmadığından ölkə Prezidentinin 2018-ci il sərəncamına əsasən modul tipli məktəb binası tikilib. Məktəb 9 sinif otağı, 1 kitabxana, 1 direktor və 1 müəllimlər otağına malikdir. Məktəb istixana və texniki avadanlıqlarla tam təchiz olunub.
Tədbirdə çıxış edən kənd sakinləri bu diqqət və qayğıya görə, ölkə rəhbərinə təşəkkürlərini çatdırıblar.
İbadət ABBASOV
