Sabunçu rayonu , Bilgəh qəsəbəsində yerləşən Şəhid Telman İsgəndərov adına 142 nömrəli tam orta məktəbdə bayram - bayramla əvəz olunub .
İlk olaraq Novruzun 3-cü çərşəmbəsi olan Yel çərşəmbəsi keçirildi. Şagirdlər Novruz şənliyini bəzəyən Kosa və Keçəl obrazını canlandırdılar. Tədbirə öz zarafatları ilə bəzək gətirdilər. Sonra məktəbin müəllim və şagirdləri 8 Mart Beynəlxalq Qadınlar günü münasibətilə məktəbdə işləyən qadın müəllimlərə böyük musiqi çələngi hədiyyə etdilər. Müəllim Sahib Zeynalovun oxuduğu " Sevgilim", "Ay maralım", 10b sinif şagirdi Quliyev Əlinin tarda ifa etdiyi "Anacan" mahnısı, müəllim Eldar Qafarovun tarda ifa etdiyi "Axtarma məni", Dilarə Abdullazadənin ifa etdiyi "Getmə", "Maral qaçar dağ üstə", "Əsən yellər" mahnıları, Xanağa Quliyevin "Dilşadi" rəqsi və digər musiqi nömrələri tamaşaçıla xoş ovqat bəxş etdi. Əlbətdə məktəb rəhbərliyinnin təşkilatçılığını qeyd etmək lazımdır. Milli bayramları, adət-ənənənimizi belə yüksək səviyyədə gələcək nəslin yaddaşına həkk etmək çox önəmlidir.
