ABŞ prezidenti Donald Tramp sentyabrda BMT Baş Assambleyası çərçivəsində iranlı həmkarı Həsən Ruhani ilə görüşə biləcəyini istisna etməyib.
GunAz.az RİA "Novosti"yə istinadən xəbər verir ki, o, bunu jurnalistlərə açıqlamasında deyib.
"Hər şey mümkündür", - deyə Tramp müvafiq suala cavabında bildirib.
BMT Baş Assambleyasının 74-ci sessiyasında 100-dən çox dövlət başçısı, 80-ə yaxın baş nazir və XİN rəhbərinin iştirakı gözlənilir. Qonaqların çıxışları 24-30 sentyabr aralığında ümumi debatlar çərçivəsində olacaq.
