Azərbaycan Prezidenti İlham Əliyev bu axşam Brüsselə səfər edəcək.
GunAz.az-ın məlumatına görə, bu barədə Azərbaycan və Türkiyə prezidentlərinin Bakıda keçirilən mətbuat konfransında məlumat verilib.
Prezident İlham Əliyev sabah Brüsseldə NATO-nun iclasında iştirak edəcək.
Qeyd edək ki, iyulun 11-12-də Brüsseldə NATO-nun 29-cu sammiti keçiriləcək.
İyulun 11-də sammit çərçivəsində üzv ölkələrin liderləri terrorizmlə mübarizədə NATO-nun rolunun artırılması ilə bağlı təkliflər verəcək, NATO-nun yüzlərlə təlimçisinin iştirakı ilə İraqda yeni təlim missiyasının başlanmasına razı olacaqlar. Sammitin gedişində müttəfiqlər Skopyeni Şimali Makedoniya Respublikası adı altında NATO-ya üzv olmağa dəvət etmək niyyətindədirlər. Sammit tərəfdaş ölkələrin iştirakı ilə Əfqanıstan üzrə görüşlə yekunlaşacaq.
Tədbirdə 54 rəsmi nümayəndə heyəti iştirak edəcək.