Rəsmi Tehran ABŞ-ın tətbiq etdiyi yeni sanksiyaları qeyri-legitim adlandırıb. Bunu İranın xarici işlər naziri Məhəmməd Cavad Zərif bəyan edib. "Yeni sanksiyalar ABŞ-ın öhdəlikləri və İranla "altılıq” ölkələri arasında əldə edilən sazişə dair BMT-nin qətnaməsi ilə uzlaşmır”, deyə Zərif bildirib. Onun sözlərinə görə, rəsmi Tehran cavab addımları atacaq: "Tərəfimizdən ABŞ-ın bir sıra fiziki şəxsi və təşkilatına qarşı məhdudiyyətlər tətbiq ediləcək”.