ABŞ ordusu Suriyada quru əməliyyatlarına başlaya bilər. Bunu "New York Times" qəzetinə danışan ABŞ rəsmisi deyib. O bildirib ki, ABŞ prezidenti Donald Tramp bununla bağlı xüsusi layihə hazırlayıb: "O, Suriyada təhlükəsiz bölgə quracağını deyib. Trampın yeni Suriya planı var. O, ABŞ quru qoşunlarını və helikopterləri Suriyanın Rakka şəhərini azad etmək üçün bu ölkəyə göndərməyə hazırlaşır. Yeni plan bir ay içində təsdiqlənəcək". Tramp bu gün yeni müdafiə naziri Ceyms Mattisin inauqurasiyası ilə bağlı Pentaqona gedəcək və burada məsələni müzakirə edəcək.
