Məşhur ABŞ teatr və kino aktyoru, komik Orson Bin vəfat edib. CBS-in məlumatına görə, aktyorun ölüm səbəbi maşın vurmasıdır.
Məlumatda bildirilir ki, 91 yaşlı aktyor Los-Ancelesin Venis rayonunda – hadisə yerində vəfat edib.
Bin ömrü boyu yüzə qədər film və seriala çəkilib. Onların arasında “Qətlin anatomiyası”, “Mən sizin ananızla necə tanış oldum”, “Con Malkoviç olmaq”, “Daxili məkan” kimi ekran əsərləri var.
