Azərbaycanın xalq artisti Məleykə Əsədova Nail Naiboğlunun “Nail Naiboğlunun 21 sualı” verilişinin qonağı olub.
GunAz.az xəbər verir ki, xalq artisti maraqlı açıqlamalar verib. Aparıcının “Başqalarından fərqli olaraq Məleykə Əsədova heç vaxt yaşını gizlətmir. Qorxmursunuz ki, tamaşaçılarınız sizdən, “ay yaşlaşıb” deyərək üz döndərər?” sualına belə cavab verib:
“Heç bir vaxt qorxmuram. Mənim obrazlarımı seviblər. Mən yaşlaşacamsa, məndən üz döndərəcəklərsə, day nə oldu? Yox, heç vaxt qorxmuram. Qorxmuram deyə, yaşımı fəxrlə deyirəm. Məndən soruşdular, soruşmadılar, həmişə yaşımı demişəm. 52 yaşım var, Allahdan arzum budur ki, Allah mənə qocalıq da qismət etsin, amma üzümdəki nuru almasın”.
